(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 135

॥ శ్రీః ॥
1.135. అధ్యాయః 135
Mahabharata - Adi Parva - Chapter Topics
పాండవైః సహ ఋషీణాం హస్తినాపురగమనం॥ 1 ॥ పాండువృత్తాంతకథనపూర్వకం పాండవాన్భీష్మాయ సమర్ప్య ఋషీణాం ప్రతినివర్తనం॥ 2 ॥
Mahabharata - Adi Parva - Chapter Text
వైశంపాయన ఉవాచ। 1-135-0x(809)(6047)
పాండోరుపరమం దృష్ట్వా దేవకల్పా మహర్షయః।
తతో మంత్రవిదః సర్వే మంత్రయాంచక్రిరే మిథః॥ 1-135-1(6048)
తాపసా ఊచుః। 1-135-2x(810)
హిత్వా రాజ్యం చ రాష్ట్రం చ స మహాత్మా మహాయశాః।
అస్మింస్థానే తపస్తప్త్వా తాపసాఞ్శరణం గతః॥ 1-135-2(6049)
స జాతమాత్రాన్పుత్రాంశ్చ దారాంశ్చ భవతామిహ।
ప్రాదాయోపనిధిం రాజా పాండుః స్వర్గమితో గతః॥ 1-135-3(6050)
తస్యేమానాత్మజాందేహం భార్యాం చ సుమహాత్మనః।
స్వరాష్ట్రం గృహ్య గచ్ఛామో ధర్మ ఏష హి నః స్మృతః॥ 1-135-4(6051)
వైశంపాయన ఉవాచ। 1-135-5x(811)
తే పరస్పరమామంత్ర్య దేవకల్పా మహర్షయః।
పాండోః పుత్రాన్పురస్కృత్య నగరం నాగసాహ్వయం॥ 1-135-5(6052)
ఉదారమనసః సిద్ధా గమనే చక్రిరే మనః।
భీష్మాయ పండవాందాతుం ధృతరాష్ట్రాయ చైవ హి॥ 1-135-6(6053)
తస్మిన్నేవ క్షణే సర్వే తానాదాయ ప్రతస్థిరే।
పాండోర్దారాంశ్చ పుత్రాంశ్చ శరీరే తే చ తాపసాః॥ 1-135-7(6054)
సుఖినీ సా పురా భూత్వా సతతం పుత్రవత్సలా।
ప్రపన్నా దీర్ఘమధ్వానం సంక్షిప్తం తదమన్యత॥ 1-135-8(6055)
సా త్వదీర్ఘేణ కాలేన సంప్రాప్తా కురుజాంగలం।
వర్ధమానపురద్వారమాససాద యశస్వినీ॥ 1-135-9(6056)
ద్వారిణం తాపసా ఊచూ రాజానం చ ప్రకాశయ।
తే తు గత్వా క్షణేనైవ సభాయాం వినివేదితాః॥ 1-135-10(6057)
తం చారణసహస్రాణాం మునీనామాగమం తదా।
శ్రుత్వా నాగపురే నౄణాం విస్మయః సమపద్యత॥ 1-135-11(6058)
ముహూర్తోదిత ఆదిత్యే సర్వే బాలపురస్కృతాః।
సదారాస్తాపసాంద్రష్టుం నిర్యయుః పురవాసినః॥ 1-135-12(6059)
స్త్రీసంఘాః క్షత్రసంఘాశ్చ యానసంఘసమాస్థితాః।
బ్రాహ్మణైః సహ నిర్జగ్ముర్బ్రాహ్మణానాం చ యోషితః॥ 1-135-13(6060)
తథా విట్శూద్రసంఘానాం మహాన్యతికరోఽభవత్।
న కశ్చిదకరోదీర్ష్యామభవంధర్మబుద్ధయః॥ 1-135-14(6061)
తథా భీష్మః శాంతనవః సోమదత్తో।ఞథ బాహ్లికః।
ప్రజ్ఞాచక్షుశ్చ రాజర్షిః క్షత్తా చ విదురః స్వయం॥ 1-135-15(6062)
సా చ సత్యవతీ దేవీ కౌసల్యా చ యశస్వినీ।
రాజదారైః పరివృతా గాంధారీ చాపి నిర్యయౌ॥ 1-135-16(6063)
ధృతరాష్ట్రస్య దాయాదా దుర్యోధనపురోగమాః।
భూషితా భూషణైశ్చిత్రైః శతసంఖ్యా వినిర్యయుః॥ 1-135-17(6064)
తాన్మహర్షిగణాందృష్ట్వా శిరోభిరభివాద్య చ।
ఉపోపవివిశుః సర్వే కౌరవ్యాః సపురోహితాః॥ 1-135-18(6065)
తథైవ శిరసా భూమావభివాద్య ప్రణంయ చ।
ఉపోపవివిశుః సర్వే పౌరజానపదా అపి॥ 1-135-19(6066)
తమకూజమభిజ్ఞాయ జనౌఘం సర్వశస్తదా।
పూజయిత్వా యథాన్యాయం పాద్యేనార్ఘ్యేణ చ ప్రభో॥ 1-135-20(6067)
భీష్మో రాజ్యం చ రాష్ట్రం చ మహర్షిభ్యో న్యవేదయత్।
తేషామథో వృద్ధతమః ప్రత్యుత్థాయ జటాజినీ।
ఋషీణాం మతమాజ్ఞాయ మహర్షిరిదమబ్రవీత్॥ 1-135-21(6068)
యః స కౌరవ్యదాయాదః పాండుర్నామ నరాధిపః।
కామభోగాన్పరిత్యజ్య శతశృంగమితో గతః॥ 1-135-22(6069)
`రాజా భోగాన్పరిత్యజ్య తపస్వీ సంబభూవ హ।
స యథోక్తం తపస్తేపే పత్రమూలఫలాశనః॥ 1-135-23(6070)
పత్నీభ్యాం సహ ధర్మాత్మా సంచిత్కాలమతంద్రితః।
తేన వృత్తసమాచారైస్తపసా చ తపస్వినః॥ 1-135-24(6071)
తోషితాస్తాపసాస్తత్ర శతశృంగనివాసినః।
స్వర్గలోకం గంతుకామం తాపసాః సంనివార్య తం॥ 1-135-25(6072)
ఉద్యంతం సహ పత్నీభ్యాం విప్రా వచనమబ్రువన్।
అనపత్యస్య రాజేంద్ర పుణ్యా లోకా న సంతి తే॥ 1-135-26(6073)
తస్మాద్ధర్మం చ వాయుం చ మహేంద్రం చ తథాఽశ్వినౌ।
ఆరాధయస్వ రాజేంద్ర పత్నీభ్యాం సహ దేవతాః॥ 1-135-27(6074)
ప్రీతాః పుత్రాన్ప్రదాస్యంతి ఋణముక్తో భవిష్యసి।
తపసా దివ్యచక్షుష్ట్వాత్పశ్యామస్తే తథా సుతాన్॥ 1-135-28(6075)
అస్మాకం వచనం శ్రుత్వా దేవానారాధయత్తదా।'
బ్రహ్మచర్యవ్రతస్థస్య తస్య దివ్యేన హేతునా॥ 1-135-29(6076)
సాక్షాద్ధర్మాదయం పుత్రస్తత్ర జాతో యుధిష్ఠిరః।
తథైనం బలినాం శ్రేష్ఠం తస్య రాజ్ఞో మహాత్మనః॥ 1-135-30(6077)
మాతరిశ్వా దదౌ పుత్రం భీమం నామ మహాబలం।
పురందరాదయం జజ్ఞే కుంత్యాం సత్యపరాక్రమః॥ 1-135-31(6078)
`అస్మింజాతే మహేష్వాసే పృథామింద్రస్తదాఽబ్రవీత్।
మత్ప్రసాదాదయం జాతః కుంతి సత్యపరాక్రమః॥ 1-135-32(6079)
అజేయానపి జేతాఽరీందేవతాదీన్న సంశయః।'
యస్య కీర్తిర్మహేష్వాసాన్సర్వానభిభవిష్యతి॥ 1-135-33(6080)
`యుధిష్ఠిరో రాజసూయం భ్రాతృవీర్యాదవాప్స్యతి।
ఏష జేతా మనుష్యాంశ్చ సర్వాన్గంధర్వరాక్షసాన్॥ 1-135-34(6081)
ఏష దుర్యోధనాదీనాం కౌరవాణాం చ జేష్యతి।
వీరస్యైతస్య విక్రాంతైర్ధర్మపుత్రో యుధిష్ఠిరః॥ 1-135-35(6082)
యక్ష్యతే రాజసూయాద్యైర్ధర్మ ఏవ పరః సదా।'
యౌ తు మాద్రీ మహేష్వాసావసూత పురుషోత్తమౌ॥ 1-135-36(6083)
అశ్విభ్యాం పురుషవ్యాఘ్రావిమౌ తావపి తిష్ఠతః।
`నకులః సహదేవశ్చ తావప్యమితతేజసౌ॥' 1-135-37(6084)
చరతా ధర్మనిత్యేన వనవాసం యశస్వినా।
ఏష పైతామహో వంశః పాండునా పునరుద్ధృతః॥ 1-135-38(6085)
పుత్రాణాం జన్మ వృద్ధిం చ వైదికాధ్యయనాని చ।
పశ్యంతః సతతం పాండోః పరాం ప్రీతిమవాప్స్యథ॥ 1-135-39(6086)
వర్తమానః సతాం వృత్తే పుత్రలాభమవాప చ।
పితృలోకం గతః పాండురితః సప్తదశేఽహని॥ 1-135-40(6087)
తం చితాగతమాజ్ఞాయ వైశ్వానరముఖే హుతం।
ప్రవిష్టా పావకం మాద్రీ హిత్వా జీవితమాత్మనః॥ 1-135-41(6088)
సా గతా సహ తేనైవ పతిలోకమనువ్రతా।
తస్యాస్తస్య చ యత్కార్యం క్రియతాం తదనంతరం॥' 1-135-42(6089)
పృథాం చ శరణం ప్రాప్తాం పాండవాంశ్చ యశస్వినః।
యథావదనుమన్యంతాం ధర్మో హ్యేష సనాతనః॥ 1-135-43(6090)
ఇమే తయోః శరీరే ద్వే పుత్రాశ్చేమే తయోర్వరాః।
క్రియాభిరనుగృహ్యంతాం సహ మాత్రా పరంతపాః॥ 1-135-44(6091)
ప్రేతకార్యే నివృత్తే తు పితృమేధం మహాయశాః।
లభతాం సర్వధర్మజ్ఞః పాండుః కురుకులోద్వహః॥ 1-135-45(6092)
వైశంపాయన ఉవాచ। 1-135-46x(812)
ఏవముక్త్వా కురూన్సర్వాన్కురూణామేవ పశ్యతాం।
క్షణేనాంతర్హితాః సర్వే తాపసా గుహ్యకైః సహ॥ 1-135-46(6093)
గంధర్వనగరాకారం తథైవాంతర్హితం పునః।
ఋషిసిద్ధగణం దృష్ట్వా విస్మయం తే పరం యయుః॥ ॥ 1-135-47(6094)

ఇతి శ్రీమన్మహాభారతే ఆదిపర్వణి సంభవపర్వణి పంచత్రింశదధికశతతమోఽధ్యాయః॥ 135 ॥

Mahabharata - Adi Parva - Chapter Footnotes
1-135-4 దేహం దేహయోరస్థీని॥
1-135-8 తద్గమనం సంక్షిప్తమమన్యత మునీనాం యోగప్రభావాత్ స్వదేశగమనౌత్కంఠ్యాద్వా॥
1-135-9 వర్ధమానపురద్వారం ముఖ్యద్వారం॥
1-135-11 ఆరణ్యానాం సహస్రసంఖ్యానాం మునీనాం చేతి యోజ్యం॥
1-135-14 వ్యతికరః సంఘర్షః॥ 1-135-20 అకూజం నిఃశబ్దం॥
1-135-45 ప్రేతకార్యే సపండీకరణాంతే। పితృమేధం యజ్ఞవిశేషం। వృషోత్సర్గాదికం వా॥
1-135-47 గంధర్వనగరం ఖపురం॥ పంచత్రింశదధికశతతమోఽధ్యాయః॥ 135 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.